2.5
The Strangers


النجوم ملاحظات الطلبة
0
الطالب: jory88 التاريخ: 2008-07-16

الصراحة الفليم وايد سخيف ما فهمت شي هذيلي منو ليش بيذبحونهم وشسالفة ولا شي فهمت ولا قصة ولا نهاية كله على بعضه مو حلو ليش دخلتله مادري ضيعت وقتي على الفاضي وآخر الفليم تقوم البطلة وتصرخ ولا فهمت شي

4
الطالب: بنوته تخصصه إنجلش التاريخ: 2008-07-15

الفلم رووووعه وحدهـ يخرع
أنا واااايد صرخت لووول واخترعت
بس قصير بس حلو
أحداثه مأخوذه من قصه حقيقيه
أنصحكم تروحولهـ :)

4
الطالب: عاليه التاريخ: 2008-07-09

الفيلم حده حلوو
بس كئيب لانهم يموتون اخر شي
واااااااااايد حلو بس مادري ليش يذبحونهم يعني شنو المغزى من ذبحهم الله اعلم
يخوف شوي لانه في وايد دقات :)

3
الطالب: STyLiSH التاريخ: 2008-07-09

الفيلم خووووش دقة شفته بأمريكا وتحسفت اني ظيعت يوم الإختفالات اهني ودشيته

ماكو هدف ماتوا ليش مادري منو الي ذبحهم ماندري ناس دشوا على واحد ووحدة اذبحوهم بدزن سبب أخر شي البطلة ميته فجأة صحت وخلص الفيلم بس

2
الطالب: GirLY التاريخ: 2008-07-01

الفلم جيد نسبيا مع ان ماكان وايد رعب اللي يخوف .. اللهم بس اللحظات اللي يطلعون فيها المجرمين وكذا .. قصته كانت مبهمه حده .. والنهايه مو شي ..
اللي عجبني شلون الممثلين جسدوو القصه بما انها كانت حقيقه .. ان منعزل البيت والشخصيات اللي تلاحقهم ...
حق عشاق الرعب اقولهم مو هذا الفلم اللي تبونه ..
و ثاااااانكس ..

2
الطالب: Maryam التاريخ: 2008-07-01

e5are3 3ala '3air sana3 ! Ma fahamt mina wla shay

0
الطالب: zezo600 التاريخ: 2008-06-30

فلم سخيييييف على الاخر وياليتني ما ضيعت وقتي ودشيته
تصور فلم عن ناس يموتون وما تدري من اللي ذبحهم وليش ذبحهم اي شي ناس ماتوا وخلاص

5
الطالب: حمزة التاريخ: 2008-06-29

The Strangers - الـغـربـاء
________________________

رحت للفيلم بسينما الشرقية الساعة 4:15 وعلى ما بدى
الفيلم صارت الساعة 4:35 مساءً..

الفيلم قصة حقيقة، وبما إنه قصة حقيقية فهو يستحق ويستاهل المشاهدة، الفيلم من أفلام الرعب


الاحداث تدور في اماكن محددة وهذا اللي مخلي الفيلم حلو
ويخلي المشاهد يعيش على أعصابه طوال تواجده بالصالة


الفيلم حـــــــــــــــــــــــــلــــــــــو وايـــــــــــــــــــــــــــد
وبتتحسفون إذا ما دخلتوه! جد جد من بداية الفيلم لحد آخر
لقطة تحس إنك عايش مع الشخصيات..

تدور أحداث الفيلم حول شخص يتزوج وحدة ويروحون يقضون
شهر العسل في احد البيوت لقضاء شهر العسل وهالشخص
ما يتفاهم مع زوجته من اول يوم ف قرروا الانفصال باليوم الثاني، ف راح يمضون الليلة في هذا البيت..
ومن هنا تبدأ الاحداث بدخول الغرباء الثلاث ( أب - ام - بنت )
المنزل ومحاولة طرد الزوجين وتنتهي الأحداث بمقتل الزوج، اما
بالنسبة للزوجة فقد .....
الغرباء الثلاث ما راح تشوفون ويوههم طوال الفيلم.. مابي أحرق عليكم القصة وأنصحكم إن لازم تروحونله وينفع حق
أوقات الليل المتأخرة لأن هالنوع من الأفلام يحلى بليل..

أعطي للفيلم:

كجودة تصوير، إضاءة وأماكن: 8 من 10

أداء ممثلين وحوارات: 8 من 10

قصة ( علمًا بأن القصة حقيقية ) 9.5 من 10

نسبة المشاهد الجنسية: 20% تم تقطيعها بالسينما

ينصح للأعمار من 17 فما فوق


حمزة
xztd@hotmail.com


المستخدم

كلمة المرور


تسجيل! | تفعيل

:: الكليات ::

شروط الاستخدام | خصوصية المعلومات
© جميع الحقوق محفوظة 2006-2009 - قيم مدرسك.
تحميل الصفحة في 0.021 ثانية.